Pokiston shimoli-g‘arbida 9-iyun kuni terakt uyushtirilishi oqibatida 7 nafar oddiy askar va 1 nafar armiya kapitani halok bo‘ldi. Bu haqda Pokiston bosh vaziri idorasi tarqatgan xabarga asoslanib, Arab News maʼlum qildi.
Manbada aytilishicha, holat Pokistonning Xayber-Paxtunxva viloyatidagi Lakki Marvat tumani hududida yuz bergan. Yo‘lda harakatlanib kelayotgan harbiylar transporti nomaʼlum quroldan nishonga olingan.
Pokiston armiyasining bir qator rasmiylari portlash qo‘lbola portlovchi qurilmaning transportga uloqtirishi oqibatida kelib chiqqanini aytgan. Hodisa joyida portlagan qurilmaning qismlari topilib, tekshirilayotgani aytilgan.
Afg‘oniston bilan chegaradosh viloyatda so‘nggi oylarda zo‘ravonliklarning yangilangan to‘lqini kuzatilishi fonida hududdagi Pokiston politsiyasi, xavfsizlik kuchlari va tinch aholiga bir necha bor hujumlar sodir etilgan. Hukumat hujumlar ortida “Tolibon” tomonidan qo‘llab-quvvatlangan guruhlar turganini daʼvo qilgan.
“9-kuni Lakki Marvat tumanida xavfsizlik kuchlari mashinasida qo‘lbola portlovchi qurilma portladi. Natijada kapitan Muhammad Faroz Ilyos va mamlakatning yana yana olti nafar jasur askarlari halok bo‘ldi”, — deyilgan Pokiston armiyasi bayonotida.
Armiya terakt uyushtirilgan viloyatda jangarilarni yo‘q qilish uchun operatsiya davom etayotganini bildirgan. Hujum tashkilotchilari hech shubhasiz javobgarlikka tortilishi xabar qilingan.
Pokiston hukumatidagi ayrim manbalar Afg‘onistonda faoliyat yurituvchi “Tahriki Tolibon” guruhi hujumni zimmasiga olishi mumkinligi haqida maʼlum qilgan.
Izoh (0)