Yengil vazn toifasida UFC chempioni Islom Maxachev joriy yilda ikkinchi kamarni ham qo‘lga kiritishi mumkin.
Jurnalist Igor Lazorinning ma’lum qilishicha, agar yarim o‘rta vazndagi kamar sohibi Leon Edvards Bilol Muhammadni mag‘lub etsa, Maxachev titul uchun jang imkoniyatiga ega bo‘ladi.
Maxachev va Edvards jangi 2024-yilda bo‘lib o‘tishi mumkin.
Eslatib o‘tamiz, Muhammad—Edvards jangi 27-iyun kuni Manchesterda bo‘lib o‘tadi.
Islom 2022-yilning oktyabr oyida UFC 280 doirasida Charlz Oliveyraga qarshi jangda g‘alaba qozonib, yengil vazn toifasida chempionga aylangan edi.
Izoh (0)