Madridning “Real” klubi va Fransiya terma jamoasi yarim himoyachisi Eduardo Kamavinga 2024-yilda Parijda bo‘lib o‘tadigan Olimpiada o‘yinlaridagi ishtiroki haqida gapirdi.
“Fransiya bilan Olimpiadada o‘ynash men uchun sharaf bo‘lardi, ammo buning iloji yo‘q. Biz klub qarorini qabul qilishimiz va davom etishimiz kerak”, — deya Kamavinga so‘zlarini keltiradi AS jurnalisti X (sobiq Twitter) ijtimoiy tarmog‘ida.
Avvalroq “Real Madrid” rahbariyati Fransiya futbol federatsiyasiga maktub yo‘llab, o‘z xatida klub o‘z futbolchilarini Parijdagi Olimpiada o‘yinlariga qo‘yib yubormasligi aytilgandi. Ro‘yxatda Kamavinga va Ferland Mendi ismlari paydo bo‘ldi.
O‘tgan mavsumda Kamavinga 46 ta o‘yinda maydonga tushib, 4 ta golga assistentlik qilgan.
Izoh (0)