Ijtimoiy tarmoqlarda “Xalq banki” xodimi mijozga qo‘pol muomala qilgani aytilgan videolavha tarqaldi. Holat yuzasidan bank axborot xizmati munosabat bildirdi.
Maʼlum qilinishicha, fuqaro R.Sh. “Xalq banki” Abu Saxiy bank xizmatlari markaziga kelib, pul mablag‘larini hisob raqamiga o‘tkazmoqchiligini bildirgan. Bank xodimi dasturda uzilishlar kuzatilayotganini, ish vaqti tugayotganini, unga xizmat ko‘rsatishga ulgurmasligi mumkinligini tushuntirishga harakat qilgan.
Vaziyatni tushunishni xohlamagan mijoz xodim bilan tortishgan. Bank xodimini asabiylashganini ko‘rgach, mijoz telefonida suratga olishni boshlagan, — deyiladi xabarda.
Qo‘shimcha qilinishicha, mijozga nisbatan bosiqlik bilan muomala qilmagan xodimga nisbatan intizomiy chora ko‘rilgan.
“Ayni damda masala hal etilgan va tomonlar orasida tushunmovchilik yo‘q”, — deyiladi “Xalq banki” axborot xizmati xabarida.
Izoh (0)