Amerikalik afsonaviy bokschi, superog‘ir vaznda sobiq mutlaq jahon chempioni Mayk Tayson hamda bloger-bokschi Jeyk Pol o‘rtasidagi jangning yangi sanasi ma’lum bo‘ldi.
Tashkilotchilarning xabar berishicha, jang 15-noyabr kuni avvaldan belgilangan manzilda o‘tkaziladi. Oqshomning ikkinchi asosiy jangida Amanda Serrano hamda Keti Teylor to‘qnash keladi.
Tayson—Pol jangi 20-iyul kuni AQShning Arlington shahridagi A&T arenasida bo‘lib o‘tishi kerak edi.
Mayk Mayamidan Los-Anjelesga uchayotgan vaqtida tibbiy xizmat xodimlariga murojaat qilgan. Qo‘nishga 30 daqiqa qolganda sportchi oshqozon yarasining ochilib ketishi oqibatida boshi aylangan va o‘zini juda noxush his qilgan.
Dastlab jang qoldirilgani aytilgandi. Biroq tashkilotchilar uni boshqa sanaga ko‘chirishni ma’qul topdi.
Tayson o‘z faoliyatini 2005-yilda yakunlagan. 1987-yildan 1990-yilgacha u og‘ir vazn toifasida mutlaq jahon chempioni bo‘lgan. Tayson 58 ta jang o‘tkazib, 50 tasida g‘alaba qozongan (44 tasi nokaut bilan) va 6 tasida mag‘lubiyat alamini totib ko‘rgan. Uning ishtirokidagi yana ikkita jang o‘tkazilmagan deb topilgan.
Izoh (0)