“NATO Rossiyaning alyans mamlakatlariga hujum qilish xavfini ko‘rmayapti” — Stoltenberg

NATO bosh kotibi Yens Stoltenbergning aytishicha, alyans Rossiya Federatsiyasining aʼzo davlatlarga to‘g‘ridan to‘g‘ri tahdidini ko‘rmayapti. Bu haqda u Finlyandiyaga tashrifi chog‘ida aytib o‘tdi, deb yozadi Yle.

Mamlakat prezidenti Aleksandr Stubb bilan o‘tkazgan qo‘shma matbuot anjumani chog‘ida bosh kotib Rossiya tomonidan hozircha bevosita hujum tahdidi yo‘qligini aytdi. Uning fikricha, NATO dunyodagi eng qudratli harbiy kuchdir.

Shu bilan birga, Stubb urushning oldini olishning eng yaxshi yo‘li unga tayyorgarlik ko‘rish ekanligini ta’kidladi. Uning fikricha, hozirda Skandinaviya yoki Boltiqbo‘yi mamlakatlariga tashqaridan hech qanday tahdid yo‘q.

Avvalroq Vladimir Putin Rossiyaning NATO mamlakatlariga hujum qilish niyati yo‘qligini ma’lum qilgandi.