“Ikkala jamoaga ham yaxshi o‘yin tilayman. O‘zbekiston — kuchli jamoa, ajoyib ijrochilarga ega. Ammo biz jang qilishga tayyormiz. Himoyada tartibli o‘ynab, vaziyatlarimizdan foydalanishga harakat qilamiz.
Antaliyada ikki hafta tayyorgarlik ko‘rganimizga sabab, u yerning sharoitlari va joylashuvi har tomonlama qulay edi.
O‘zbekistonga qarshi 2-bo‘limlarni yomon o‘tkazayotganimizni tahlil qildik. Bunga ko‘plab omillar bor: tajriba, konsentratsiya, chempionatimizda raqobat yo‘qligi va futbolchilar bosimga tayyormasligi. Kamchiliklarimizdan xabardormiz.
O‘zbekistonning zaif tomonlari? Aytish qiyin. So‘nggi 5 yilda jamoangiz kuchaydi, legionerlar ko‘paydi, murabbiy tajribali. Faqat aktiv pressing yo‘qligini aytish mumkindir. Boshqa zaif jihatlarni ko‘rmayapman”, — dedi O‘razov.
O‘zbekiston milliy terma jamosi hisobida 10 ochko mavjud va ular keyingi bosqich masalasini muddatidan oldin hal qilgan, Turkmaniston terma jamoasi uchinchi o‘rin uchun kurash olib bormoqda. Ular hisobida bir ochko bor.
Ma’lumot uchun, O‘zbekiston va Turkmaniston o‘rtasidagi bahs ertaga, 6-iyun kuni bo‘lib o‘tadi va Toshkent vaqti bilan 19:30da boshlanadi.
Izoh (0)