Kuz-qish mavsumi davri uchun aviachiptalar sotuvi yo‘lovchilarga sayohatlarini oldindan rejalashtirish va aviachiptalarni eng qulay narxlarda oldindan sotib olish imkonini beradi.
Uzbekistan Airways oktyabr oyining oxirgi yakshanbasidan (27-oktyabr) boshlanadigan va mart oyining oxirgi shanbasigacha (29-mart) davom etadigan kuzgi-qishki parvozlar jadvalining respublika ichidagi va xalqaro aviaqatnovlariga aviachiptalar sotuvi boshlanganini e’lon qiladi. Parvozlar jadvali bilan hoziroq www.uzairways.com saytida tanishishingiz mumkin.
Bugungi kunda Uzbekistan Airways 75 dan ortiq yo‘nalishlarga muntazam aviaqatnovlarni amalga oshirmoqda. Ta’kidlash joizki, MDH mamlakatlaridan Toshkent – Nyu-York – Toshkent yo‘nalishi bo‘yicha transkontinental aviaqatnovini amalga oshirib kelayotgan yagona aviakompaniya hisoblanadi. Nyu-York, Yevropa shaharlari, Janubi-Sharqiy Osiyo va Osiyo-Tinch okeani mintaqasi, shuningdek, yaqin Sharq va MDH mamlakatlariga kuz-qish jadvali davridagi parvozlar uchun aviachiptalar sotuvga chiqarildi. Shunday qilib, Uzbekistan Airways yo‘lovchilari bugunoq o‘z ta’tillarini rejalashtirishlari mumkin. Aviachiptalarni oldindan sotib olib, yo‘lovchilar eng maqbul tariflarni tanlash imkoniyatiga ega bo‘ladilar. Bir so‘z bilan aytganda, aviachipta sotib olish qanchalik tez amalga oshirilsa, uning narxi shunchalik arzon bo‘ladi.
Parvozlar ekonom va biznes-klassli Boeing 787 Dreamliner, Boeing 767, Airbus A320ceo/320neo/321neo zamonaviy va qulay havo kemalarida, shuningdek, Uzbekistan Airways Express kam byudjetli aviatashuvlar tizimi bo‘yicha amalga oshiriladi.
Aviachiptalarni www.uzairways.com rasmiy saytida, Uzbekistan Airways ilovasida, aviakompaniya agentlari va Uzbekistan Airways Sales filialida sotib olish mumkin.
Reklama huquqi asosida.
Izoh (0)