G‘arb davlatlari rasmiylari va ularning ekspert hamjamiyati Rossiya gibrid harakatlariga javob berishning uchta usulini ko‘rib chiqmoqda. Bu haqda Financial Times (FT) xabar berdi.
Rossiya qo‘rquv uyg‘otish va hayotimizni barbod qilish yo‘llarini topish uchun o‘zining qudratli ekanligini va jamiyatlarimizda buzilishlarga olib kelishi mumkinligini ko‘rsatishga harakat qilmoqda, — dedi Latviya prezidenti Edgars Rinkevichs FT’ga bergan intervyusida.
Uning so‘zlariga ko‘ra, qiyinchilik bunday harakatlarni to‘g‘ridan to‘g‘ri tajovuz sifatida kvalifikatsiya qilish va o‘zaro mudofaa yordami to‘g‘risidagi Shimoliy Atlantika shartnomasining 5-moddasini kuchga kiritish mumkin emasligida.
Biz kichik bir hodisa tufayli Rossiyaga raketalarni uchirmaymiz, — deya qo‘shimcha qilgan Latviya rahbari.
FT’ga ko‘ra, NATO davlatlari hozirda Rossiyaga nisbatan uch turdagi javob choralarini ko‘rib chiqmoqda:
- Birinchi qadam — gibrid hujumlar sodir bo‘layotganini tan olish va ularni ommaga oshkor qilish.
- Ikkinchi qadam — muhim infratuzilmani mustahkamlash, axborot tizimlarini kiberhujumlardan himoya qilish va aholini dezinformatsion kampaniyalar xavfi haqida xabardor qilish.
- Uchinchi qadam — Rossiyaga qarshi javob choralari. Masalan, Chexiya uzoq vaqtdan beri rossiyalik diplomatlarning harakatlanishini cheklash uchun kampaniya olib bormoqda.
Izoh (0)