Prezident raisligida bo‘lib o‘tayotgan yig‘ilishda Shahrisabz shahri – Iqtisodiy hamkorlik tashkilotining 2024-yildagi turizm poytaxti deb eʼlon qilingani aytildi.
Shu bois hukumat oldiga Shahrisabzda turizmni rivojlantirish bo‘yicha qator vazifalar qo‘yildi. Shahrisabz shahri va Shahrisabz tumanida Turizm klasteri tashkil qilinadi. Hisorak-G‘yelon va Hisorak—Sarchashma yo‘li ikki tasmali qilib taʼmirlanadi.
Chiroqchi—Sho‘rquduq avtomobil yo‘lining 30 kilometri taʼmirlanib, Samarqanddan Shahrisabzga qatnov vaqti qisqaradi. Natijada Shahrisabzga ko‘proq sayyohni jalb qilish imkoniyati yaratiladi.
Shahrisabzda turizm klasterini tashkil etish doirasida 2025-yilda G‘yelondan o‘tuvchi Oqsu daryosida quvvati 24 megavattli 3 ta GESni ishga tushirish rejalashtirilgan.
Shuningdek, Shahrisabz turizm texnikumida Shveysariya dasturi asosida yiliga 100 nafar mutaxassis tayyorlanadi.
Umuman, mutasaddilar va viloyat hokimlariga turizm salohiyati yuqori 20 ta tumanni tanlab olib, Rossiya, Turkiya, Xitoydan maslahatchilarni jalb qilgan holda ushbu tumanlar master rejasini ishlab chiqish va har biriga kamida 50 million dollarlik investitsiya jalb qilish bo‘yicha takliflar ishlab chiqish topshirildi.
Izoh (0)