Farg‘ona viloyatida qalbaki aksiz markali alkogol va tamaki mahsulotlarini muomala kiritilishining oldi olindi. Bu haqda Bosh prokuratura huzuridagi departament xabar berdi.
Qayd etilishicha, departamentning Rishton tuman bo‘limi tomonidan tergovga qadar tekshiruv o‘tkazilgan. Tekshiruvda “D.P.” OK rahbari O.I. o‘ziga tegishli savdo do‘konida “Stolichnaya” nomli qalbaki aksiz markali alkogol mahsulotini sotgan vaqtida ushlanib, ushbu do‘kondan 51 turdagi jami 569 dona qalbaki aksiz markali alkogol va 142 quti tamaki mahsuloti ashyoviy dalil sifatida olingan.
Xuddi shunday, departamentning Qo‘shtepa tumani bo‘limi tomonidan o‘tkazilgan tezkor tadbirda “Qamishtepa” MFYda joylashgan spirtli ichimliklar savdo do‘koni sotuvchisi Z.Y. “Keklik” va “Rjanaya” nomli qalbaki aksiz markali alkogol mahsulotini sotayotgan vaqtida ushlanib, ushbu do‘kondan 13 turdagi jami 398 dona qalbaki aksiz markali alkogol mahsuloti ashyoviy dalil sifatida olingan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Qoraqalpog‘iston Respublikasi va Farg‘ona viloyatida qalbaki aksiz markali alkogol mahsulotlarini muomalaga kiritilishining oldi olingani to‘g‘risida xabar berilgandi. Shuningdek, Samarqandda 403 mln so‘mlik isteʼmolga yaroqsiz alkogol mahsulotlarini sotuvga qo‘ygan do‘kon fosh etilgan edi.
Izoh (0)