Toshkent viloyati Yangiyo‘l tumanida ayolning ikki eri alimentdan qarzdorlik sabab bir kunda qamaldi. Bu haqda MIB axborot xizmati “Daryo”ga xabar berdi.
Unga ko‘ra, Majburiy ijro byurosining Yangiyo‘l tumani bo‘lim ish yurituvidagi Fuqarolik ishlari bo‘yicha sud buyrug‘iga asosan undiruvchi L.Y.ning 3 nafar farzandi moddiy ta’minoti uchun qarzdor G.U.ning aliment qarzdorligi mavjud bo‘lgan. Holat yuzasidan murojaatchining arizasiga asosan qarzdorning yashash manziliga majburiy ijro harakatlarini olib borish maqsadida chiqilgan.
Ijro harakatlarida qarzdor G.I keskin qarshilik ko‘rsatadi va majburiy tartibda olib ketilayotgan vaqtida xonadonidagi turmush o‘rtog‘i M.T uning ham aliment ijro hujjati borligi, alimentni o‘z vaqtida olmayotganini ma’lum qiladi. Davlat ijrochisi murojaatini nazoratga olib o‘rganadi. Murojaatni o‘rganishda haqiqatdan ham ushbu hujjati borligi va aliment to‘lovlarini o‘z vaqtida to‘lamasdan, MIB bo‘limiga kelishdan bo‘yin tovlab yurgani ma’lum bo‘ladi.
Shundan so‘ng, darhol qarzdor I.M. ham bo‘limga majburiy tartibda olib kelinadi. Har ikki qarzdorning alimentdan qarzdorligi 10 mln so‘mdan yuqori ekani aniqlanadi.
Davlat ijrochilarining tushuntirish va ogohlantirishlariga qaramay aliment to‘lovlarini to‘lamagan ikki "kundoshlar"ga Ma’muriy javobgarlik to‘g‘risidago kodeksning 47-4-moddasi 1-qismiga asosan ma’muriy bayonnoma rasmiylashtirilib, ularga sudning qaroriga asosan 15 sutka ma’muriy qamoq jazosi tayinlangan va qarzdorlar jazo muddatini o‘tamoqda.
Izoh (0)