O‘zbekiston va Markaziy Osiyoning boshqa mamlakatlarida 2024-yil bahori noodatiy salqin va yomg‘irli kelgani ko‘plab mevalar, jumladan, gilos pishishining kechikishiga olib keldi. Bu haqda EastFruit xabar berdi.
Qayd etilishicha, ob-havoning noqulay kelgani ushbu mahsulotlarning sifat ko‘rsatkichlariga salbiy taʼsir ko‘rsatadi. O‘zbekistonda gilosning birinchi ulgurji partiyalari odatda aprel oyining oxirida bozorga chiqsa, 2024-yilda birinchi yirik partiyalar faqat may oyining o‘rtalarida paydo bo‘lgan.
Ayni paytda bozorda 28+ kalibrli gilosning katta miqdori hali ham mavjud emas, shu sababli xalqaro bozorda eng maqbul bo‘lgan ushbu toifadagi o‘rtacha narx ham belgilanmagan.
Anʼanaga ko‘ra, O‘zbekistonda gilos mavsumi iyun o‘rtalarida tugaydi, biroq 2024-yilda u may oyining oxirgi haftasida boshlanadi.
Hozirda O‘zbekiston ulgurji bozorida gilos narxi yilning shu davridagi maksimal qiymatga yaqin, hatto AQSH dollarida ham. Qiziq jihati, sotuvda giloslarning ertapishar navlari hali ham sotilmoqda.
Odatda mamlakatda gilos mavsumi iyun o‘rtalarida tugaydi, 2024-yilda esa mayning oxirgi haftalarida boshlanmoqda. Bu eksportda muammolarni keltirib chiqarishi mumkin, chunki hatto Ukrainada ham mahalliy giloslar sotuvga chiqqan. Shu sababli O‘zbekistonda gilos narxi kutilganidan ko‘ra tezroq tushib ketishi mumkin.
Avvalroq O‘zbekiston Savdo-sanoat palatasi meva va sabzavotlarning o‘rtacha eksport narxlarini ma’lum qilgandi. Unda gilos narxi 2,53 dollardan sotilayotgani keltirilgan (2023-yilda 50 foizidan ortig‘i 0,93 dollardan eksport 11 000 so‘m qilingan).
Izoh (0)