Qishloq xo‘jaligi vaziri Ibrohim Abdurahmonov va Misr Arab Respublikasining “Oraskom Investment Xolding” tarkibiga kiruvchi Nile Sugar kompaniyasi rahbari Najib Saviris bilan videokonferensaloqa shaklidagi muloqoti bo‘lib o‘tdi. Bu haqda vazirlik matbuot xizmati xabar berdi.
Maʼlum qilinishicha, muloqotda Jizzax viloyatida qand lavlagi yetishtirish va shakar ishlab chiqarish yuzasidan erishilgan kelishuv natijasida ushbu loyihani amaliyotga tatbiq etishning tashkiliy bosqichidagi amalga oshiriladigan ishlar muhokama qilingan.
Muloqot davomida qand lavlagini yetishtirish, qayta ishlash va shakar mahsulotini ishlab chiqarish loyihasining muvaffaqiyatini taʼminlash va talab etilgan maʼlumotlarini taqdim etish bo‘yicha Jizzax viloyati G‘allaorol tumanida amalga oshirilayotgan ishlar haqida maʼlumot berilgan.
Muloqot yakunida amaliyotga joriy etilayotgan mazkur loyiha yuzasidan kelgusida qilinadigan ishlar ko‘lami belgilab olingan.
Izoh (0)