Tyantszin oraliq xalq sudi China Huarong International Holdings kompaniyasining sobiq bosh direktorini poraxo‘rlikda ayblab, o‘limga hukm qildi. Sinxua agentligiga ko‘ra, Bay Tyanxuey avvalroq 1,108 milliard yuandan (151 million dollar) ortiq pora olganlikda aybdor deb topilgan.
Bay Tyanxuey 2019-yil yanvar oyida Xitoydagi aktivlarni boshqarish bo‘yicha eng yirik kompaniya bo‘lmish “Xuarong”ning bir necha bo‘linmalari rahbarlari bilan bir vaqtda hibsga olingan. Bir yil avval, 2018-yil aprel oyida China Huarong va uning o‘sha paytdagi ijrochi direktori Lay Syaminga nisbatan tergov boshlangan edi.
Keyinchalik u partiya intizomi va davlat qonunchiligini ko‘plab qo‘pol ravishda buzgani, jumladan, pora berish va olish, davlat mulkini o‘zlashtirgani uchun Kommunistik partiya safidan chiqarildi. 2020-yil avgust oyida Lay Syaming sudga keldi. U 1,79 milliard yuan (277,3 million dollar) miqdorida pora olish va 25,13 million yuan miqdoridagi davlat mablag‘larini noqonuniy o‘zlashtirishda ayblangan. 2021-yil yanvar oyida Lay Syaming aybdor deb topilib, o‘limga hukm qilindi. Hukm 2021-yil 29-yanvarda ijro etilgan.
Sinxua agentligining xabar berishicha, “Bay Tyanxuy” ishi bo‘yicha o‘tkazilgan tergov davomida ma’lum bo‘lishicha, 2014-2018 yillarda China Huarong International Holdings bosh direktori o‘zining bir necha bo‘linmalardagi yuqori lavozimlaridan foydalanib, turli tuzilmalarga “loyihalarga kiritishda”, shuningdek, boshqa moliyaviy masalalarni hal qilishda ko‘maklashgan.
Shu bilan birga, u 151 million dollarlik ko‘chmas mulkni noqonuniy ravishda olgan, bu esa shu miqdorda pora olishga teng bo‘lgan. Tergov davomida Bay Tyanxuey “boshqa jinoyatlarni ochish uchun muhim ma’lumotlarni taqdim etgan”. Biroq sud bu holat jazoni yengillashtirish uchun yetarli emas, deb topdi.
Izoh (0)