Rossiya Afg‘onistonda hokimiyat tepasida turgan “Tolibon” harakati bilan to‘laqonli munosabatlar o‘rnatish arafasida. Bu haqda Rossiya Xavfsizlik kengashi raisi o‘rinbosari Dmitriy Medvedev ma’lum qildi.
Shu bilan birga, u so‘nggi yillarda ko‘p narsa o‘zgarganini ta’kidlagan, xususan, ilgari “Tolibon” terrorchi deb hisoblangan bo‘lsa, endi Amerika rasmiylari terrorchilarning sheriklariga aylangan.
Yigirma yil bu — juda uzoq davr bo‘lib, bu davrda 21-asr boshida biz “Tolibon”ni terrorchi, amerikaliklarni esa ekstremizmga qarshi kurashda sherik deb bilgan edik, — deydi Medvedev.
Uning fikricha, zamonaviy Afg‘oniston hukumati konstruktiv muloqot o‘tkazishga harakat qilmoqda.
Keling, kutamiz va kuzatamiz, — deb ishonch bildirgan Medvedev.
Medvedev, shuningdek, Qo‘shma Shtatlarni terrorchilarga yordam berishda va Rossiyaga qarshi gibrid urush olib borishda ayblagan.
Rossiya TIVning Osiyo bo‘yicha vakili Zamir Kabulovning maʼlum qilishicha, Rossiya TIV va Adliya vazirligi Rossiya prezidenti Vladimir Putinga “Tolibon” harakati taqiqlangan tashkilotlar ro‘yxatidan chiqarilishi mumkinligi haqida maʼlum qilgan. Shuningdek, u Rossiya “Tolibon”ga Sankt-Peterburg xalqaro iqtisodiy forumida ishtirok etish uchun taklifnoma yuborganini aytgan.
Rossiya TIV rahbari Sergey Lavrovning taʼkidlashicha, “Tolibon”ni terrorchi tashkilotlar ro‘yxatidan chiqarish tashabbusi obyektiv voqelikni aks ettiradi.
Izoh (0)