Qozog‘istonda 28—30-may kunlari navbatdagi siklon va u bilan bog‘liq atmosfera frontlarining taʼsiri ostida deyarli butun hududida yog‘ingarchilik kuzatilishi kutilmoqda. Bu haqda “Kazgidromet” xabar berdi.
Sinoptiklar bergan ma’lumotga ko‘ra, 28-may kuni mamlakatning shimoli va sharqida kuchli yomg‘ir yog‘adi, kechasi esa ular qorga aylanishi mumkin. 28-mayda g‘arbda, shimolda va markazda, 29—30-may kunlari esa Qozog‘iston sharqida kechasi 3 darajagacha sovuq bo‘lishi kutilmoqda. Faqat mamlakat g‘arbida yog‘ingarchilik kuzatilmaydi, havo harorati asta-sekin isib boradi.
Ma’lumot o‘rnida, o‘tgan dam olish kunlari Qozog‘istonda g‘ayrioddiy sovuq kuzatilgandi. Mamlakatning ko‘plab magistral avtomobil trassalarida to‘satdan qor yog‘ib, havo haroratining -3 darajagacha pasayib ketgani haydovchilarga qiyinchiliklar tug‘dirdi.
“Kazgidromet” Olmaota filialining meteorologik prognoz bo‘limi boshlig‘i Daulet Kisebayev bu normal holat ekanini tushuntirdi. U noldan past haroratlar bo‘yicha rekord 1931-yil 4-mayda kuzatilganini aytdi.
“May oyida Olmaotada mutlaq minimal harorat -7 daraja edi”, — deydi u.
Izoh (0)