O‘tkir syujetli dramalardan charchagan va biroz dam olmoqchi bo‘lganlar uchun ajoyib tavsiya — bu film voqealari sekin rivojlanadi, bunda kayfiyat birinchi o‘rinda. Qahramonlar ijodiy kasblar bilan shug‘ullanadi va his-tuyg‘ulari haqida juda ko‘p o‘ylaydi.
“Birinchi hayotimiz” (2017)
Jiho har doim yozuvchi bo‘lishni orzu qilgan va uning orzusi qisman amalga oshadi — u melodrama ssenariylarini yozadi. Aniqrog‘i, bosh ssenaristning yordamchisi. Jihoning uyi yo‘q, shuning uchun qiz kvartira izlashga majbur bo‘ladi. Dugonasi unga yaxshi variant taklif qiladi — Jiho uy egasi bilan ko‘rishmay darhol shinam kvartiraga ko‘chib o‘tadi. Ma’lum bo‘lishicha, uy egasi o‘ttiz yoshli Sehi ismli bo‘ydoq yigit. U butunlay hissiyotsiz va uni tashvishga soladigan yagona tirik mavjudot bu — mushuk. Sehining o‘zi ham uning yonidagi xonada bir qiz yashayotganini bilmaydi.
“Yarimning yarmi” (2020)
Xavon — iste’dodli dasturchi yigit. U odamlarga yolg‘izlikni yengishga yordam beradigan virtual yordamchi ishlab chiqmoqda. Buning uchun Xavon sun’iy intellektga aniq odamlarning odatlari, xarakteri va ovozini singdirishga harakat qilmoqda. Xavonning o‘zi javobsiz sevgidan aziyat chekkan juda g‘amgin odam. Aynan shu narsa uni bu kashfiyotga undaydi — agar u sevgilisi bilan bo‘lolmasa, u har doim shu yerda bo‘ladi, hech bo‘lmaganda virtual. Yigit yordam so‘rab ovoz muhandisi Sou ismli qizga murojaat qiladi, uning yordami bilan sevgilisining ovozini qayta tiklashga umid qiladi.
“Birinchi raqamli saundtrek” (2022)
Romantik kadrlar ko‘p bo‘lsa-da, atigi to‘rt qismdan iborat mini-drama va bosh rollarda Park Hyonshik va Kang Sohi. Ularning qahramonlari — Sunvo va Insu taxminan yigirma yildan beri do‘st. Sonu iste’dodli suratkash bo‘lib, Insuni yashirincha sevib yuradi, lekin his-tuyg‘ularini sezdirmaslikka harakat qiladi. Insu qo‘shiqlarga matn yozadi. U ochiq ko‘ngil, irodali va juda sodda qiz, ammo ba’zida his-tuyg‘ulariga erk berishdan qo‘rqadi. Bir kuni vaziyat taqozosiga ko‘ra ular bir tom ostida qolishga majbur bo‘ladi...
“Romantik ilova” (2019)
Ushbu dramaning bosh qahramonlarini kitobga va yozishga bo‘lgan ishtiyoq birlashtiradi. Inho va Dani ko‘p yillardan beri do‘st bo‘lib, hatto to‘yi kuni Dani Inho bilan qochib ketishga ham tayyor edi. Ammo Inho uning his-tuyg‘ularini payqamaydi. Natijada Dani turmushga chiqadi, ammo bu nikoh unga baxt keltirmaydi. Qizning karyerasi ham to‘xtab qoladi: u bir vaqtlar iste’dodli kopirayter edi, lekin farzandli bo‘lgach, yetti yil uyda o‘tirib qoladi. U ish topa olmaydi — nafaqat o‘zini, balki bolasini ham boqishi kerak edi. Buning ustiga kvartirasidan ham chiqarib yuboriladi. Dani tavakkal qilishga qaror qiladi — u rezyumesini soxtalashtirib, o‘zi bilmagan holda Inho ishlaydigan nashriyotga ishga kiradi.
“Ob-havo va sevgi prognozi” (2022)
“Ob-havo va sevgi prognozi”ning asosiy qahramonlari meteorologiya boshqarmasi xodimlaridir. Ular har kuni Koreya aholisiga ob-havo haqida xabar beradi. Xagyeon — bosh prognozchi. U har doim ko‘rsatmalarga amal qiladigan juda intizomli qiz. Ammo shaxsiy hayotida hamma narsa unchalik silliq emas: u qaylig‘ini xiyonat ustida ushlab oladi. Vaziyat yanada murakkablashadi, chunki sobiq yigiti ham, uning o‘ynashi ham Xagyeon bilan birga ishlaydi.
Izoh (0)