Farg‘ona viloyatida ikki yil avval fuqaroga og‘ir tan jarohati yetkazib qochib ketgan erkak qo‘lga olindi. Bu haqda IIV axborot xizmati xabar berdi.
Unga ko‘ra, ikki yil avval unga nisbatan Jinoyat kodeksining 104-moddasi (qasddan badanga og‘ir shikast yetkazish) 2-qismi bilan jinoyat ishi qo‘zg‘atilib, qidiruv e’lon qilingan. Olib borilgan tezkor tadbirlar davomida bir nechta shaxslar va mashinalar kuzatuvga olingan.
24-may kuni qidiruvda bo‘lgan 31 yoshli fuqaroning shaxsi aniqlangan va qo‘lga olingan. Uning ta’kidlashicha, qo‘rqqani uchun yashirinib yurgan. IIB yana kimdir ushbu shaxsdan jabrlangan bo‘lsa, tegishli organlarga murojaat qilishini so‘ragan.
Izoh (0)