Sloveniya tashqi ishlar vaziri Tanya Fayon Rafahdagi harbiy hujum davom etsa, Isroilga qarshi sanksiyalar joriy etish tarafdori. Bu haqda Sloveniya tashqi ishlar vazirligining press-relizida aytiladi.
“Men kecha tunda Isroilning falastinliklarga qarshi uyushtirgan hujumini keskin qoralayman, bu hujumda ko‘plab bolalar halok bo‘ldi. Agar xalqaro gumanitar huquq va Xalqaro sud qarorlari buzilishi davom etsa, Yevropa Ittifoqi birgalikda va qatʼiy javob berishi kerak, jumladan, sanksiyalar joriy etishi kerak”, — dedi Fayon.
27-mayga o‘tar kechasi Isroil Rafah shahriga hujum uyushtirdi, natijada Tal al-Sulton hududidagi, Birlashgan Millatlar Tashkilotining Falastinlik qochqinlarga yordam ko‘rsatish va ishlash agentligi ombori yonida lagerga kamida sakkizta raketa kelib tushdi.
Falastinning WAFA agentligi taqdim etgan so‘nggi ma’lumotlarga ko‘ra, hujum natijasida kamida 40 kishi halok bo‘lgan, qurbonlarning aksariyati ayollar va bolalardir.
Xalqaro sud 24-may kuni Janubiy Afrikaning da’vosi bo‘yicha qaror chiqardi, unga ko‘ra, Isroil Rafahdagi harbiy hujumini va shahar aholisiga salbiy ta’sir ko‘rsatishi mumkin bo‘lgan boshqa harakatlarni to‘xtatishi kerak. Sud, shuningdek, Isroilga Falastin aholisiga yordam ko‘rsatish uchun Rafah o‘tish joyini ochiq saqlashni buyurdi.
Izoh (0)