Qozog‘iston Milliy xavfsizlik qo‘mitasi mamlakatga eng ko‘p O‘zbekiston fuqarolari tashrif buyurishini ma’lum qildi va bu bo‘yicha statistik ma’lumot keltirdi. Bu haqda Tengrinews xabar berdi.
Qo‘mita matbuot xizmati xabariga ko‘ra, joriy yilning 1-yanvaridan 10-mayiga qadar Qozog‘iston hududiga quyidagi fuqarolar kirib kelgan:
- O‘zbekiston — 1 598 656 kishi;
- Qirg‘iziston — 1 015 553 kishi;
- Rossiya — 854 937 kishi;
- Tojikiston — 332 177 kishi;
- Belarus — 47 342 kishi;
- Ozarbayjon — 30550 kishi;
- Turkmaniston — 9671 kishi;
- Ukraina — 9018 kishi;
- Armaniston — 5194 kishi;
- Moldova — 3059 kishi.
2023-yilning shu davriga nisbatan tashrif buyurishlar o‘rtacha 6,5 foizga oshgan. Milliy xavfsizlik qo‘mitasi maʼlumotlariga ko‘ra, Rossiya, O‘zbekiston va Qirg‘iziston bilan chegaradagi nazorat-o‘tkazish punktlari xizmat ko‘rsatishda yetakchilik qilmoqda.
Izoh (0)