Sog‘lom va qoniqarli nonushta — muvaffaqiyatli kunning boshlanishi. Ammo sog‘lom deganda nima nazarda tutilyapti? Aniqlanishicha, nonushtada uchun isteʼmol qilinmaydigan mahsulotlar mavjud. Lekin deyarli hamma kunini aynan shu mahsulotlar bilan boshlaydi.
Xom sabzavotlar
Haqiqatan ham xom sabzavotlar sog‘lom oziq-ovqat mahsulotlari hisoblanadi. Ular foydali vitaminlar va minerallarni o‘zida jamlagan. Biroq ular nonushta uchun tavsiya etilmaydi. Negaki, sabzavotlar ovqat hazm qilish xususiyatiga ega va ular ertalab och qoringa isteʼmol qilinsa, oshqozon tizimida turli noqulayliklarni keltirib chiqarishi mumkin.
Yogurt
Meva qo‘shilgan yogurtni ko‘pchilik yaxshi nonushta deb o‘ylaydi. Biroq och qoringa yogurt faqat qisman foydali bo‘lishi mumkin. Sababi shundaki, yogurt tarkibidagi sut kislotasi bakteriyalari och holatda oshqozonga to‘g‘ridan to‘g‘ri so‘rilmaydi. U ichaklarga yetib borguncha barcha foydali moddalarni o‘ldiradi. Ammo buni bartaraf etish uchun yogurtga bir nechta yong‘oq, bir bo‘lak avokado yoki bir qoshiq jo‘xori uni qo‘shib isteʼmol qilish tavsiya etiladi.
Banan
Banan tanani muhim moddalar bilan taʼminlaydi, ammo uni och qoringa isteʼmol qilish tavsiya etilmaydi. Glyukoza mavjud bo‘lgan boshqa mahsulotlar singari banan ham qondagi shakar miqdorini oshiradi. Lekin bu davomiy emas, bir qancha vaqt o‘tgandan keyin shakar miqdori yana tushib ketadi. Oqibatda kun bo‘yi sizning immun tizimingiz ko‘plab bezovtalik va noqulayliklar bilan kurashishiga to‘g‘ri keladi.
Apelsin sharbati
Chiroyli bezatilgan nonushta dasturxoni rasmlarida bir stakan apelsin sharbatini ko‘ramiz, albatta. Ammo chiroyli degani foydali degani emas. Och qoringa ichilgan apelsin sharbati oshqozon yoki ichak bilan bog‘liq muammolarni kuchaytirishi, shuningdek, oshqozon buzilishlarini keltirib chiqarishi mumkin. Shuning uchun uni nonushtada isteʼmol qilish tavsiya etilmaydi. Buning o‘rniga ertalab limonli suv ichish ancha zararsiz.
Izoh (0)