Bir kishi kam bo‘lib o‘ynagan “Bayer” “Kayzerslautern”ni mag‘lub etib, Germaniya Kubogi sohibiga aylandi

Futbol bo‘yicha Germaniya Kubogining finalida “Bayer” 25-may, shanba kuni “Kayzerslautern”ga qarshi bahs olib bordi.

Uchrashuvning 17-daqiqasida Granit Jaka hisobni ochdi. Bo‘lim oxirida Kossunu qizil kartochka olib, maydonni tark etdi. 

Ikkinchi bo‘limda “Bayer” bir kishi kam bo‘lib o‘ynagan bo‘lsa-da, faollikni to‘xtatmadi. Jakaning goli o‘yinda yagonaligicha qoldi va Xabi Alonso shogirdlariga g‘alaba keltirdi.

Shu tariqa “Bayer” Germaniya Kubogi g‘olibiga aylandi. Bir necha kun oldin Yevropa Ligasida “Atalanta”ga imkoniyatni boy bergan jamoa, bu safar finalni qo‘ldan chiqarmadi.

Germaniya Kubogi

Final

25-may, shanba

“Kayzerslautern” — “Bayer” 0:1

Gol: 0:1 – 17 Jaka.

“Kayzerslautern”: Kral, Elvedi, Tomiak, Puxach, Simmer (Ture, 90), Redondo (Opoku, 83), Ritter, Rashl (Klement, 83), Kaloch, Solinski (Tachi, 74), Xanslik (Axe, 46).

“Bayer”: Gradeski, Frimpong (Tella, 90), Ta, Tapsoba, Kossunu, Grimaldo (Inkapie, 85), Jaka, Hofmann (Adli, 46), Andrix, Virts (Glojek, 90), Shik (Stanishich, 46).

Ogohlantirishlar: Kossunu (3), Elvedi (86), Klement (90+5), Gradeski (90+6).

Chetlatish: Kossunu (44).