Ijtimoiy tarmoqlarda Qamchiq dovonida avtomashinalar harakati cheklanishi haqida xabarlar tarqaldi. Yo‘l harakati xavfsizligi xizmati mazkur xabarlarga izoh berdi.
Qayd etilishicha, 26—27-may kunlarida Toshkent shahriga transport vositalarining kirishi taqiqlangani va bugun tungi vaqtda Qamchiq dovonida harakat cheklanishi haqidagi asossiz va yolg‘on maʼlumotlar tarqatilmoqda.
Hurmatli yurtdoshlar! Joriy yilning 26—27-may kunlarida xalqaro darajadagi tadbirlar bo‘lib o‘tishi va ayrim yo‘llarda taʼmirlash ishlari olib borilayotganligi sababli Toshkent shahridagi baʼzi ko‘chalarda vaqti-vaqti bilan qisqa muddatga transport vositalarining harakati cheklanishi mumkin.
Toshkent shahriga transport vositalarining harakatlanib kirishiga hech qanday cheklovlar yo‘q.
Ijtimoiy tarmoqlardagi turli sahifalarning egalaridan norasmiy hamda asossiz maʼlumotlarni tarqatmasliklarini so‘raymiz, — deyiladi xabarda.
Izoh (0)