Foto: Daryo / Madina Nurman
Fotojamlanma: So‘nggi qo‘ng‘iroqning yorqin lahzalari
Bugun O‘zbekistonning barcha hududlaridagi maktablarda so‘nggi qo‘ng‘iroq chalindi. Uning ovozi ayrim o‘qivchilar uchun navbatdagi bosqich sinfga o‘tish, boshqalariga esa katta hayot yo‘liga qadam qo‘yishga chorlov bo‘lib xizmat qildi. “Daryo” muxbiri Toshkent shahri, Yangihayot tumanidagi 2-sonli umumta’lim maktabidagi so‘nggi qo‘ng‘iroq tadbirining e’tiborga molik lahzalarini kadrlarga muhrladi. Quyida tadbirdan fotojamlanma hamda bitiruvchilarning fikrlari bilan tanishishingiz mumkin.
Ushbu maktabni 2023/2024 o‘quv yilida 78 nafar 11-sinf o‘quvchisi, 103 nafar 9-sinf o‘quvchilari bitirishmoqda.
Maktabda menga jismoniy tarbiya, texnologiya va mehnat darslari yoqar edi. Ichki ishlar akademiyasiga hujjat topshirmoqchiman endi. Kelajakda oʻzimni taʼminlay oladigan darajada yetuk shaxs boʻlmoqchiman. Uka-singillarimga tilagim shuki, yaxshi bilim olishsin, yoʻllari yorugʻ boʻlsin, maktabni bir amallab tugatishsin, hammasi zoʻr boʻladi.
Timur Zabolotnix
Bitiruvchi
Menga hamma fanlar yoqadi, ayniqsa jismoniy tarbiya, harakatchanlikni yoqtiraman. Soʻnggi oʻquv yilidan juda mamnunman. Hamma tadbirlarda faol qatnashdim. Maktabni bitirgach menejment sohasida taʼlim olmoqchiman. Kelgusida muvaffaqiyatlarga erishgan, yaxshi bir inson sifatida shakllangim keladi. Bizdan keyingi uka-singillarimga faqat va faqat oʻqish kerak, deyman.
Asqar Qodirov
Bitiruvchi
Menga maktabdagi fanlar ichida futbol oʻynash imkoniyati sabab jismoniy tarbiya koʻproq yoqar edi. Geografiyani ham yaxshi koʻraman. Bu yerni bitirgach IT sohasida oʻqishni davom ettirmoqchiman. Maktablarda informatika darsini yana-da koʻpaytirish kerak, deb bilaman. Uka-singillarimga esa vaqtlarini yoʻqotmasdan yaxshi oʻqishlarini tilab qolaman.
Danil Mesheryakov
Bitiruvchi
Radmira, bitiruvchi: Maktabdagi eng sevimli fanim ingliz tili. Sababi oʻqituvchimiz Elle misrlik, undan ingliz tilini nazariy va amaliy jihatdan puxta oʻrgandik. Yana, maktabda eng yaqin dugonamni uchratdim, u bilan 9 yildan beri qalin doʻstmiz. Rostini aytsam, maktabimizda musiqa fanini rivojlantirgan boʻlardim, sababi oʻzim gitara chalaman. Xitoy tili filologiyasi boʻyicha oʻqishimni davom ettirmoqchiman. Uka-singillarimga maslahatim, baho uchun oʻqishmasin, rohatlanib oʻqishsin, oʻzlarini rivojlantirsin.
Irina, bitiruvchi: Menga ingliz tili, biologiya, adabiyot, umuman barcha fanlar yoqadi. O'qituvchilarimiz esa bir-biridan ajoyib, ularning darslaridan zavq olar edik. Bitirgach, psixologiya yo'nalishida o'qishimni davom ettirmoqchiman. Uka-singillarimga esa a'lochi sindromidan qutulib o'zlari uchungina bilim olishlarini tilayman.
Irina, bitiruvchi: Menga ingliz tili, biologiya, adabiyot, umuman barcha fanlar yoqadi. O'qituvchilarimiz esa bir-biridan ajoyib, ularning darslaridan zavq olar edik. Bitirgach, psixologiya yo'nalishida o'qishimni davom ettirmoqchiman. Uka-singillarimga esa a'lochi sindromidan qutulib o'zlari uchungina bilim olishlarini tilayman.
Bugun siz uchun soʻnggi qoʻngʻiroq emas, balki uzun, jiddiy va katta hayot uchun qoʻngʻiroq chalinmoqda. Ushbu umr yoʻlingiz ajoyib insonlar, buyuk muvaffaqiyatlarga toʻla, har bir kuningiz mazmunga boy, bajargan ishingiz faqat toʻla qoniqish olib kelishi, yaqinlaringiz esa har qanday holatda ham yoningizda turib qoʻllab-quvvatlashini tilayman. Yoningizda faqat sizga yelka tuta oladigan kerakli insonlar boʻlsin. Barchangizga omad, bolalar!
Shevchenko Nataliya Grigoryevna, maktab direktori
Maktabdagi eng sevimli fanlarim qiziq boʻlganligi uchun biologiya, oʻqituvchining mahorati sabab algebra fanlari. Larisa Alikseyevna, Gulya Zarifovna va Tatyana Igorevna kabi oʻqituvchilarimga alohida rahmatlarimni aytaman. Kelgusida oʻzim ham yoki pedagogika yoki iqtisod yoʻnalishida bilim olmoqchiman. 10 yildan keyin oʻzini taʼminlay oladigan darajada yetuk inson boʻlishni orzu qilaman. Bizdan keyingi uka-singillarimga ulgʻayishga shoshmaslikni tilagan boʻlar edim. Hammasi juda tez oʻtib ketishini mana bugun his qildik. Darslar, doʻstlar va bu muhitni qaytarib boʻlmaydi. Qadriga yetishsin, deb qolaman.
Elvira
Bitiruvchi
Menga maktabdagi darslardan jismoniy tarbiya juda yoqadi. Sababi unda futbol oʻynar edik. Eng sevimli oʻqituvchilarim sifatida esa Gulya Zarifovna va Larisa Alekseyevnani eʼtirof etgan boʻlardim. Ular bolalarga nafaqat darsdagi bilim, balki hayotiy saboqlar berishda ham faollar. Men teatr yoki sport sohasida bilim olmoqchiman. Maktabdagi teatr toʻgaraklariga ham qatnashganman, teatr sanʼati kabi fan boʻlishini orzu qilardim. Uka-singillarimizga tilagim, vaqtlarini zoe ketkazishmasin, tezroq ulgʻayishga shoshilishmasin. Men kabi bitiruvchilarga esa omad va baxt yor boʻlsin!
Temur
Bitiruvchi
Aleksandra Luntovskaya, bitiruvchi: Maktabdagi eng sevimli fanlarim adabiyot, biologiya, informatika edi. Oʻqituvchilarimizdagi samimiylik, mehr-oqibat, tushunish kabi xususiyatlarni juda hurmat qilaman. Kelgusida rejalarim juda koʻp. Shulardan biri oʻzimga qahvaxona ochish, uni butkul oʻz dizaynerlik qarashlarim va xohishlarim asosida boshqarish. Uka-singillarimizga aytar gaplarim shuki, hech qachon taslim boʻlishmasin, odamlardan ranjishmasin, oldinga intilishsin, odamlarning gaplaridan faqat oʻzlariga kerakli jihatlarnigina olishsin, hissiyotlariga tayanishsin.
Aleksandra, bitiruvchi: Maktabdagi eng sevimli fanlarim sifatida informatika, adabiyot va biologiya fanlarini yoqtirar edim. Ushbu fanlar nafaqat qiziqarli ekanligi, balki oʻqituvchilarimizning mahorati sabab ham qalbimdan joy egallagan. Ayniqsa Olga Aleksandrovnaga boʻlgan hurmatim cheksiz. Oʻqituvchilarimizdagi tushunish hissi, yordamga shaylik, qoʻllab-quvvatlash, kabi xususiyatlarni qadrlayman. Kelgusida oʻzimni har tomonlama rivojlantirish, koʻp sayohat qilish, fotograf boʻlib dunyo kezishni orzu qilaman. Ayni shu sabablidir fransuz tili filologiyasi boʻyicha oʻqishni davom ettirmoqchiman. Uka-singillarimizga tilaklarim shuki, oʻzlariga ishonishsin, maqsadlari tomon hech kimni tinglamasdan olgʻa borishsin. Shunda hammasiga erishishadi.
Aleksandra, bitiruvchi: Maktabdagi eng sevimli fanlarim sifatida informatika, adabiyot va biologiya fanlarini yoqtirar edim. Ushbu fanlar nafaqat qiziqarli ekanligi, balki oʻqituvchilarimizning mahorati sabab ham qalbimdan joy egallagan. Ayniqsa Olga Aleksandrovnaga boʻlgan hurmatim cheksiz. Oʻqituvchilarimizdagi tushunish hissi, yordamga shaylik, qoʻllab-quvvatlash, kabi xususiyatlarni qadrlayman. Kelgusida oʻzimni har tomonlama rivojlantirish, koʻp sayohat qilish, fotograf boʻlib dunyo kezishni orzu qilaman. Ayni shu sabablidir fransuz tili filologiyasi boʻyicha oʻqishni davom ettirmoqchiman. Uka-singillarimizga tilaklarim shuki, oʻzlariga ishonishsin, maqsadlari tomon hech kimni tinglamasdan olgʻa borishsin. Shunda hammasiga erishishadi.
