23-may kuni Jo‘qorg‘i Kenges “Reklama to‘g‘risida”gi qonunga o‘zgartishlar kiritish haqida”gi qonun loyihasini ko‘rib chiqdi va ikkinchi o‘qishda qabul qildi. Bu haqda Jo‘qorg‘i Kengesga tayanib, Akipress xabar berdi.
Qonun loyihasi axborot maydonida soxta xizmatlarni reklama qilishni taqiqlaydi.
Tashabbuschilardan biri deputat Marlen Mamataliyev qonun loyihasi fuqarolar ongini o‘z manfaati yo‘lida muayyan muammolarni hal qilishni taklif qiluvchi okkultizm, sehrli va boshqa ishonchsiz usullar orqali xizmatlar ko‘rsatishda manipulyatsiya qilishni istisno etish maqsadida ishlab chiqilganini ta’kidlagan.
“Reklama to‘g‘risida”gi qonunning 16-moddasiga ko‘ra, ayrim turdagi tovarlarni reklama qilishning o‘ziga xos xususiyatlari to‘g‘risidagi tushunchalar mavjud bo‘lib, bu Jinoyat kodeksiga muvofiq javobgarlikka olib keladi.
Kiritilgan qo‘shimchalar yuqoridagi xizmatlarni ko‘rsatish tushunchalarini aniq ajratib ko‘rsatish imkonini beradi, yaʼni axborot maydonida vijdonsiz fuqarolarning firibgarlik harakatlarini reklama qilishni taqiqlash joriy etiladi, — deydi deputat.
Qonunga kiritilgan tuzatishlar ilmiy asoslangan usullarga taalluqli emas. Madaniyat vaziri o‘rinbosari Chingiz Esengul o‘g‘lining aytishicha, birinchi bosqichda reklamani taqiqlash faqat qora sehrga tegishli bo‘ladi.
Izoh (0)