“Katta Dubulg‘a” musobaqalarining 22 karra chempioni, jahonning sobiq birinchi raqamli tennischisi ispaniyalik tennischi Rafael Nadal 2025-yilda ham tennisda qolishi mumkin. Bu haqda Clay Tenis xabar bermoqda.
Manbaga ko‘ra, Nadal bu yil turli jarohatlar tufayli yetarlicha o‘ynay olmagani uchun 2025-yilda ham professional faoliyatini davom ettirishni rejalashtirmoqda. U Ispaniyadagi turnirda boshqa o‘ynamasligini aytganida, aynan ispan kortlarini nazarda tutgan.
Eslatib o‘tamiz, joriy mavsumda Nadal 11 ta rasmiy o‘yin o‘tkazib, ularning 7 tasida g‘alaba qozongan. Rafael Brisbenda (Avstraliya) Jordan Tompson, Barselonada (Ispaniya) Aleks de Minaur, Madridda (Ispaniya) Jiri Legechka va Rimda (Italiya) Xubert Xurkachga yutqazdi.
Ma’lumot uchun, Rafael Nadal “Rolan Garros”ning markaziy Filipp Shatrie kortida ilk mashg‘ulotini o‘tkazdi.
Izoh (0)