Toshkent viloyati Qibray tumanida maishiy chiqindi poligoni quriladi. Buning uchun “May” mahallasi hududidagi qishloq xo‘jaligiga mo‘ljallanmagan 6 gektar yer maydoni ajratiladi. Viloyat hokimi bu boradagi tegishli qarorni imzoladi.
Qayd etilishicha, hududda joylashgan muhandislik tarmoqlarini ko‘chirish yoki muhofaza hududini saqlab qolish amalga oshiriladi.
Buyurtmachi:
- davlat xizmatlari markazi orqali arxitektura rejalashtirish topshrig‘i ishlab chiqish uchun buyurtmalar beradi hamda loyiha-smeta hujjatlari tayyorlash uchun litsenziyaga ega loyiha tashkiloti bilan o‘rnatilgan tartibda shartnoma tuzadi;
- loyihalash uchun yer osti muhandislik inshootlarining ijro surati tushirilgan 1:500 nisbatdagi topografik xarita va geologik xulosa ishlab chiqish uchun litsenziyaga ega korxonaga buyurtma beradi;
- qurilish sohasida hududiy nazorat inspeksiyasiga xabarnoma yuboradi;
- mazkur hududda joylashgan muhandislik tarmoqlarini ko‘chirish yoki muhofaza hududini saqlab qolish ishlarini o‘z mablag‘lari hisobidan amalga oshirilishi inobatga olinadi.
Ajratilgan yer maydonidagi maishiy chiqindi poligonida sanitariya-ekologiya, yong‘in xavfsizligi talablariga rioya etilishi, belgilangan muddatda rekultivatsiya qilib faoliyatini tugatishi belgilangan.
Eslatib o‘tamiz, 2023-yil iyul oyida Ohangaronda yil oxirigacha Markaziy Osiyoda yagona bo‘lgan 15 million dollarlik chiqindi poligoni qurilishi to‘g‘risida xabar berilgandi.
Izoh (0)