Norvegiya bosh vaziri Yonas Gar Styore mamlakat Falastinni davlat sifatida rasman tan olishini ma’lum qildi. Bu haqda Euronews xabar berdi.
Uning fikricha Falastin davlat sifatida tan olinmaguncha Yaqin Sharqda tinchlikka erishishning imkoni yo‘q. Yonas mazkur qaror 28-maydan boshlab kuchga kirishini aytgan.
So‘ngi kunlarda Yevropa Ittifoqining bir qator davlatlari mintaqada barqaror tinchlik uchun ikki davlat to‘g‘risidagi qaror zarurligini hamda Falastinni tan olishni rejalashtirayotganini ta’kidlagan.
YIga aʼzo bo‘lmagan, lekin uning harakatlarini aks ettiruvchi Norvegiya Isroil va Falastin o‘rtasidagi yechimning kuchli tarafdoridir.
Avvalroq Irlandiya va Ispaniya ham 22-may kuni Falastinni tan olishini e’lon qilmoqchi ekani xabar qilingandi. Belgiya va Malta ham xuddi shunday niyatda.
Avvalroq YI diplomatiyasi rahbari Jozep Borrell may oyining oxirigacha Falastin Yevropa Ittifoqining bir qancha davlatlari tomonidan tan olinishini aytgan.
BMTning jami 193 davlatidan 143 tasi Falastinni mustaqil davlat sifatida tan olgan.
Izoh (0)