O‘zbekiston Superligasining 8-turida Namanganning “Navbahor” klubi o‘z maydonida Farg‘onaning “Neftchi” jamoasini qabul qildi.
“Vodiy derbi”siga qiziqish katta bo‘ldi: o‘yinni tomosha qilish uchun o‘yingohga 22350 nafar muxlis keldi va bu boradagi mavsum rekordi yangilandi.
O‘yin asabiy tarzda kechdi va asosiy vaqtda hisob ochilmadi. Hakam tomonidan qo‘shib berilgan daqiqalarda Filip Ivanovich burchakdan uzatilgan to‘pni boshi bilan darvozaga aniq yo‘llab, mezbonlarga g‘alabani tortiq qildi — 1:0.
O‘yin yakunida shu kuni tavallud ayyomini nishonlayotgan “Navbahor” bosh murabbiyi Samvel Babayanga “53” raqami aks etgan futbolka topshirildi.
“Daryo” ushbu o‘yindan fotogalereya tayyorladi.
Izoh (0)