Tojikistonda VI-VIII asrlarga oid qasr xarobalari topildi (foto)

Tojikistondning Penjikent shahrida joylashgan tarixiy obida hududidan arxeologlar qasr xarobalarini topdi. Bu haqda “t-news.tj” xabar berdi.

Xarobalarni Milliy muzey arxeologiya va numizmatika bo‘limi bosh mutaxassisi Muhsin Bobomulloyev topgan.

Tadqiqot natijasida qal’a ikki qavatdan iborat ekani ma’lum bo‘lgan. Birinchi qavat taxta materialdan, ikkinchi qavat 50x25x10 o‘lchamdagi pishmagan g‘ishtdan qurilgan.

Tarixiy davr VI-VIII asrlarga to‘g‘ri keladi, qal’a xorijliklar bosqini natijasida vayron bo‘lgan va yoqib yuborilgan. Memorial yo‘lak devorlarida kul va kuyik izlari qoldiqlari buning isbotidir, — deyiladi xabarda.

Shuningdek, ushbu yodgorlik hududidan mayda buyumlar: mis va kumush tangalar, uzuklar hamda bezak buyumlari topilgan:

Qayd etilishicha, tarixiy manbalarda Penjikent va Maymurg‘dagi o‘xshash inshootlar haqida ma’lumotlar kelgan. Yodgorlik Tojikistonning tarix va madaniyat yodgorliklari reyestrida ro‘yxatga olinishi rejalashtirilgan.

Ish shu bilan tugamaydi: joriy yilning iyul-avgust oylarida tojik arxeologlari Rossiya Davlat Ermitaji mutaxassislari bilan birgalikda yodgorlikda qo‘shimcha tadqiqotlar olib boradi, — deyiladi muzey xabarida.