Rehina Mariya Kastijio Birlashgan Millatlar Tashkiloti Bolalar jamg‘armasining (UNICEF) O‘zbekistondagi vakolatxonasi rahbari sifatida o‘z vazifalarini bajarishga kirishdi. Bu haqda tashkilot matbuot xizmati xabar berdi.
.jpg)
Ushbu lavozimga tayinlanishdan avval Kastijio UNICEF’ning Xorvatiya va Paragvaydagi vakolatxonalari rahbari lavozimlarida ishlagan.
2016-yilda UNICEF’da mehnat faoliyationi boshlashdan oldin Kastijio Boliviya, Ekvador va Perudagi UNAIDS direktori, Shveysariyada UNAIDS xususiy sektor bilan hamkorlk bo‘limi rahbari va BMT Bosh kotibi Kofi Annan Ijroiya apparatida Iqtisodiy va ijtimoiy masalalar bo‘yicha masʼul xodimi bo‘lgan.
U AQSHning Vashington shtatidagi G‘arbiy Vashington universitetida iqtisod va xalqaro munosabatlar bo‘yicha tahsil olgan, AQSHning Indiana shtatidagi Notr-Dam universitetida davlat boshqaruvi va xalqaro munosabatlar bo‘yicha magistrlik darajasini olgan.
Rehina Mariya Kastijio ispan, ingliz va frantsuz tillarida ravon so‘zlashadi. Oilali, ikki farzandi bor.
Bundan oldin USAID’ning O‘zbekistondagi missiyasiga yangi rahbar tayinlangani, USAID Toshkentda ekologik g‘oyalar bo‘yicha talabalar tanlovi g‘oliblarini taqdirlagani, AQSH xalqaro taraqqiyot agentligi O‘zbekistonga 131 tonna oziq-ovqat yordami yetkazib bergani ma’lum qilingandi.
Izoh (0)