Yurtimizda eksportchi korxonalarni moliyaviy va tashkiliy qo‘llab-quvvatlash maqsadida bir qator imtiyozlar joriy qilingan.
Misol uchun, transport xarajatlarining 50 foizgacha bo‘lgan qismi, xalqaro standart sertifikatlari joriy etilganda, ularning to‘lovlari ham davlat tomonidan qoplanadi. Xalqaro ko‘rgazmalar, yarmarkalarda tadbirkorlar ishtirokini taʼminlashda ham xarajatlarning maʼlum bir qismi to‘lab beriladi.
Bundan tashqari, eksportchi korxonalar eksportga chiqayotgan mahsulotlar uchun yagona soliq va foyda solig‘idan ozod etildi. Deylik, bir korxona ishlab chiqarayotgan mahsulotining 30 foizini eksport qilsa, o‘sha 30 foiz mahsulot uchun foyda va yagona soliqdan ozod etiladi. Eksportchi korxonalar uchun yana bir soliq imtiyozi bor. Ularga qo‘shilgan qiymat solig‘ini (QQS) qaytarib olish imkoniyati yaratilgan.
Mikrokreditbank ATB tomonidan ham eksportchi korxonalarni, jumladan, Qishloq xo‘jaligi va oziq-ovqat sohasida faoliyat yuritayotgan tadbirkorlik subyektlarini qo‘llab-quvvatlash maqsadida ularning loyihalari moliyalashtirilib kelinmoqda.
2023-yilda 225 ta Qishloq xo‘jaligi va oziq-ovqat sohasida faoliyat yuritayotgan tadbirkorlik subyektlarining 489,4 mlrd so‘mlik loyihalari moliyalashtirildi va natijada 15,7 mln AQSH dollari miqdorida eksport tushumi amalga oshirildi.
2024-yilning joriy davriga qadar esa 707 ta Qishloq xo‘jaligi va oziq-ovqat sohasida faoliyat yuritayotgan tadbirkorlik subyektlarining 354,2 mlrd so‘mlik loyihalari moliyalashtirilishi hisobiga 11 mln AQSH dollari miqdorida eksport tushumiga erishildi.
Misol uchun, 2023-yilda Qoraqalpog‘iston Respublikasidagi “Xo‘jeyli un mahsulotlari” korxonasiga aylanma mablag‘ni to‘ldirish uchun bug‘doy sotib olish sharti bilan 12 oy muddatga 500 000 AQSH dollari miqdorida kredit ajratildi.
Natijada 2023-yilda 1,4 mln AQSH dollari, 2024-yilning birinchi choragida esa 0,5 mln AQSH dollari miqdorida un mahsulotlari eksportini amalga oshirdi. Quvonarlisi, ushbu korxonada doimiy ishchilar soni 53 nafarni tashkil etadi.
Mikrokreditbank tomonidan eksport bilan shug‘ullananib, milliy mahsulotlarimizni jahonga olib chiqayotgan, bu orqali davlatimizning iqtisodiy salohiyati ortishiga munosib hissasini qo‘shib kelayotgan tadbirkorlarni imtiyozli shartlarda moliyaviy qo‘llab-quvvatlash davom ettiriladi.
Reklama huquqi asosida.
Izoh (0)