Angliya chempionatining 34-turi doirasida 15-may kuni “Chelsi” “Brayton”ni mag‘lub etdi. “Falmer - Amex” stadionida kechgan uchrashuv 2:1 hisobida yakunlandi.
Shu tariqa, London klubi 2024—2025-yilgi mavsumda birinchi marta APLda qatorasiga to‘rtta o‘yinda g‘alaba qozondi. Bungacha Pochettino shogirdlari “Tottenxem” (2:0), “Vest Xem” (5:0) va “Nottingem Forest”ni (3:2) mag‘lub etdi.
Maurisio Pochettino “Chelsi”ni 2023-yilning iyulidan beri boshqarib kelmoqda. 52 yoshli mutaxassisning klub bilan shartnomasi 2025-yilning yoziga qadar mo‘ljallangan.
37-turdan so‘ng “Chelsi” 60 ochko bilan APLda oltinchi o‘rinni egallab turibdi. Chempionatda “Manchester Siti” peshqadamlik qilmoqda. Ular hisobida 88 ochko mavjud.
“Chelsi”ning so‘nggi o‘yini 19-may kuni “Bornmut”ga qarshi bo‘ladi.
Izoh (0)