Surxondaryo viloyatining Sariosiyo tumanida aholi turar joyiga kelib qolgan ayiq otib o‘ldirilgandi. Bosh prokuratura holat nazoratga olinganini ma’lum qildi.
Qayd etilishicha, “Kichik ko‘l” qishlog‘iga nomaʼlum tomondan kelib qolgan qo‘ng‘ir tog‘ ayig‘ini tuman IIB, tuman obodonlashtirish, ekologiya bo‘limi va boshqa tashkilotlar hamkorligida ushlash chorasini ko‘rish vaqtida “Jannatmakon” mahallasi yoshlar yetakchisi S. Husayinovni sudrab, tuman IIB XPB profilaktika inspektori katta leytenant R. Hasanovga tashlangan va uning o‘ng qo‘li barmoq sohasiga yengil tan jarohati yetkazgan.
Shundan so‘ng, mahallada joylashgan 74-sonli umumiy o‘rta taʼlim maktabi binosi tomonga kirib borayotgan vaqtida maktab qorovuli tomonidan maktab darvozasi yopib qo‘yilgan. Shunga qaramasdan ayiq o‘zini darvozaga urib, maktab binosiga kirmoqchi bo‘lgan.
Maktab o‘quvchilariga va shu yerdagi aholi hayotiga xavf tug‘dirishini oldini olish maqsadida tuman IIB hisobida turuvchi ovchilar jalb qilinib, ayiq otib zararsizlantirilgan.
Ayni paytda holat yuzasidan tergovga qadar tekshiruv harakatlari olib borilayotgan bo‘lib, ayiqning quturganligini aniqlash bo‘yicha laboratoriya tekshiruvlari o‘tkazilmoqda.
Izoh (0)