Ukrainada harakatlanayotgan har qanday xorijiy yollanma kontingentlar Rossiya tomonidan potensial xavf sifatida ko‘riladi va nishonga olinadi. Bu haqda Rossiya Tashqi ishlar vazirligi matbuot kotibi Mariya Zaxarova bergan bayonotga asoslanib, “TASS” nashri xabar berdi.
Tashqi ishlar vazirligi rasmiysi maʼlum qilishicha, Kiyevga yetkazib beriladigan har qanday qurol Rossiya qurolli kuchlarining yo‘q qilinishi lozim bo‘lgan qonuniy harbiy nishoni hisoblanadi. Ukraina hududidagi xorijiy yollanma askarlar ham muqarrar ravishda Rossiya qurolli kuchlari hujumiga uchraydi.
“Kiyev fashistlari rejimiga yetkazib berilgan har qanday qurol Rossiya tomonidan qonuniy harbiy nishon sifatida ko‘riladi va yo‘q qilinadi. Xuddi shu tarzda, chet el yollanma askarlari ham Rossiya qurolli kuchlari hujumiga duchor bo‘ladi”, — degan Mariya Zaxarova.
13-may kuni G‘arb nashrlari Estoniya prezidentining xavfsizlik bo‘yicha maslahatchisi Madis Roll Tallin Ukraina g‘arbiga qo‘shin yuborish imkoniyatini jiddiy ko‘rib chiqayotgani haqida aytganini bildirgan. Estoniya qo‘shinlari front ortida mudofaa vazifasini bajarishi aytilgan.
Keyinroq xavfsizlik bo‘yicha maslahatchi Madis Roll Ukrainaga qo‘shin yuborilishi haqida muhokamalar bo‘lganini oshkora rad etgan. Uning so‘zlariga ko‘ra, qo‘shin yuborish bilan bog‘liq rejalar aslo bo‘lmagan.
Izoh (0)