FIFA Kengashi Tailand poytaxti Bangkok shahridagi FIFAning 74-Kongressi oldidan yig‘ilib, bir qator muhim qarorlar qabul qildi.
Kun tartibiga ko‘ra, FIFA Kengashi tomonidan xalqaro o‘yinlar taqvimi bir ovozdan maʼqullandi. Xususan, FIFA Kengashining 2022-yil dekabr oyida FIFA ayollar klublari o‘rtasidagi Jahon chempionatini (FIFA Womenʼs Club World Cup) joriy etishning strategik tamoyilini tasdiqlash to‘g‘risidagi qaror muhokama qilindi.
Ayollar klublarining doimiy global rivojlanishiga ko‘maklashish maqsadida klublari o‘rtasidagi Jahon chempionati yillarida qo‘shimcha FIFA ayollar klublari musobaqasini tashkil etish taklif qilindi.
Turnirlarga oid muhim yangiliklar
FIFA Kengashi, shuningdek, xalqaro turnirlarga oid quyidagi yangilanishlarni tasdiqladi:
- Futzal bo‘yicha ayollar o‘rtasidagi FIFA Jahon chempionati—2025. Birinchi musobaqa Filippinda bo‘lib o‘tadi.
- Ayollar o‘rtasidagi FIFA U-17 Jahon chempionati Marokash 2025—2029. Ishtirokchilar taqsimoti quyidagicha bo‘ladi:
OFK — 4; CAF — 5; Konkakaf — 4; KONMEBOL — 4; OFC — 2; UEFA — 5. - FIFA U-17 Jahon chempionati Qatar 2025—2029. Ishtirokchilar taqsimoti quyidagicha bo‘ladi:
OFK — 9; CAF — 10; Konkakaf — 8; KONMEBOL — 7; OFC — 3; UEFA — 11.
Izoh (0)