Mudofaa vaziri o‘zgardi: Putin hukumatining yangi tarkibini tasdiqladi

Rossiya prezidenti Vladimir Putin hukumatning yangi tarkibini tayinlash haqidagi farmonni imzoladi. Bu haqda Kreml saytida xabar berildi.

Birinchi marta Rossiya hukumati 2020-yilda konstitutsiyaga kiritilgan o‘zgartirish asosida yangi tartib bo‘yicha tuzildi. Barcha nomzodlar avvalroq parlament tomonidan ko‘rib chiqilib, ma’qullangan. Bundan tashqari, nomzodlar Davlat dumasi yoki Federatsiya kengashi tomonidan ma’qullangach, Putin ularni lavozimlarga tayinlashni rad eta olmagan.

Hukumat tarkibiga uning rahbaridan tashqari 10 nafar bosh vazir o‘rinbosari va 21 nafar vazir kiradi. Vazirliklar soni va nomi avvalgi tarkibga nisbatan o‘zgarmagan. Beshta vazir bevosita prezidentga hisobot beradi: bular Ichki ishlar vazirligi, Tashqi ishlar vazirligi, Mudofaa vazirligi, Favqulodda vaziyatlar vazirligi va Adliya vazirligi rahbarlari. Qolganlarining faoliyatiga hukumat raisi rahbarlik qiladi.

Putin farmoni bilan Andrey Belousov mudofaa vaziri etib tayinlandi. Yangi hukumatdagi eng yosh vazir Sanoat va savdo vazirligi rahbari Anton Alixonov bo‘ldi, u 37 yoshda. Eng keksasi esa 74 yoshli tashqi ishlar vaziri Sergey Lavrov. Shuningdek, u hukumatdagi eng uzoq ish tajribasiga ega, jumladan, Lavrov 20 yildan ortiq tashqi ishlar vaziri lavozimini egallab kelmoqda. Rossiyaning yangi hukumati aʼzolarining o‘rtacha yoshi 53 yoshni tashkil etadi.

Vazirlar:

1. Mudofaa vaziri — Andrey Belousov
2. Tashqi ishlar vaziri — Sergey Lavrov
3. Ichki ishlar vaziri — Vladimir Kolokoltsev
4. Favqulodda vaziyatlar vaziri — Aleksandr Kurenkov
5. Adliya vaziri — Konstantin Chuychenko
6. Sanoat va savdo vaziri — Anton Alixanov,
7. Sport vaziri — Mixail Degtyarev
8. Transport vaziri — Roman Starovoyt
9. Energetika vaziri — Sergey Tsivilyev
10. Tabiiy resurslar vaziri — Aleksandr Kozlov
11. Mehnat va aholini ijtimoiy muhofaza qilish vaziri — Anton Kotyakov
12. Ta’lim vaziri — Sergey Kravtsov
13. Qishloq xo‘jaligi vaziri — Oksana Lut
14. Madaniyat vaziri — Olga Lyubimova
15. Sog‘liqni saqlash vaziri — Mixail Murashko
16. Iqtisodiy rivojlanish vaziri — Maksim Reshetnikov
17. Moliya vaziri — Anton Siluanov
18. Qurilish vaziri — Irek Fayzullin
19. Fan va oliy ta’lim vaziri — Valeriy Falkov
20. Uzoq Sharq va Arktikani rivojlantirish vaziri — Aleksey Chekunkov
21. Raqamli rivojlanish vazir — Maqsut Shadayev.

Shuningdek, Sergey Narishkin Tashqi razvedka xizmati direktori, Aleksandr Bortnik Federal xavfsizlik xizmati direktori etib tayinlandi. Viktor Zolotov Rossiya gvardiyasini, Dmitriy Kochnev esa Federal qo‘riqlash xizmatini boshqaradi.