Qozog‘istonning Chimkent shahridagi masjidlardan birida erkak namoz vaqti safdoshini kaltaklab ketdi. Bu haqda “Zakon.kz” xabar berdi.
Hodisa Abay tumanida 12-may kuni sodir bo‘lgan, biroq mojaro aks etgan kadr ijtimoiy tarmoqlarda kechroq tarqalgan. Namoz vaqtida erkak safdoshini urgan, shundan so‘ng janjal kelib chiqqan.
Hodisa ishtirokchilari politsiyaga ariza bilan murojaat qilgan. Ekspertiza tayinlangan, uning natijasiga ko‘ra protsessual qaror qabul qilinadi, — deyiladi politsiya xabarida.
Vaziyatga Qozog‘iston musulmonlari diniy boshqarmasi ham munosabat bildirgan.
Chimkentga boshqa viloyatdan kelgan bir guruh fuqarolar masjid imom-xatibining ogohlantirishiga qaramay, bir necha bor namozni buzgan. Ular safdoshlari va imomning iltimoslariga quloq solmay, masjid qoidalarini qo‘pol ravishda buzishgan. Masjidga doimiy tashrif buyuruvchi erkak baland ovozda duo o‘qiyotgan safdoshining harakatlariga toqat qilmay unga hujum qilgan. Natijada imom jamoat namozini to‘xtatishga majbur bo‘lgan. Hodisa o‘z vaqtida to‘xtatilgan, — deyiladi xabarda.
Musulmonlari diniy boshqarmasi qozog‘istonliklarni masjid qoidalariga rioya qilishga va toqatli bo‘lishga chaqiradi.
Izoh (0)