Rossiya Premyer Ligasida “Mavsum kashfiyoti” sovrini uchun nomzodlarning yakuniy uchligi ma’lum bo‘ldi.
Unga ko‘ra, o‘zbekistonlik futbolchi Abbosbek Fayzullayev (“SSKA”), Bitello (“Dinamo”) va Nikita Saltikov (“Krilya Sovetov”) ushbu sovrin uchun kurash olib boradi.
Birinchi bosqichda tomoshabinlar ovoziga ko‘ra nomzodlar uchligi shakllandi. Fayzullayev barchadan ko‘p ovoz to‘plaganini alohida qayd etib o‘tish joiz.
Mukofot g‘olibi murabbiylar, jamoa sardorlari, sharhlovchilar va Rossiya futboli faxriylaridan iborat maxsus hay’at tomonidan aniqlanadi.
Abbosbek joriy mavsum “SSKA” tarkibida barcha musobaqalarda 29 ta o‘yin o‘tkazib, 5 ta gol va 11 ta golli uzatmaga mualliflik qildi.
Izoh (0)