Armaniston bosh vaziri Nikol Pashinyan Kopengagendagi Demokratiya sammitidagi muhokama chog‘ida mamlakat rasmiylari bu yil Yevropa Ittifoqiga a’zo bo‘lishni xohlashini aytdi. Bu haqda “TASS” xabar bermoqda.
“Shu yilning o‘zidayoq Yevropa Ittifoqiga kirishga tayyormiz!” — dedi Pashinyan.
Avvalroq Nikol Pashinyan mamlakat Yevropa Ittifoqi bilan munosabatlarni o‘rnatish uchun hech qanday davlatdan ruxsat so‘ramasligini aytgandi. Shuningdek, u Armaniston mustaqil davlat va shu asosda diplomatik munosabatlar o‘rnatish niyatida ekanini qo‘shimcha qildi.
Rossiya TIV rasmiy vakili Mariya Zaxarovaning taʼkidlashicha, Rossiya 5-aprel kuni Bryusselda bo‘lib o‘tgan yig‘ilishda AQSH va Yevropa Ittifoqi bilan harbiy-siyosiy kelishuvlar haqidagi maʼlumotlar yuzasidan Armanistondan aniq munosabat kutmoqda. Uning so‘zlariga ko‘ra, Bryusseldagi uchrashuv chog‘ida Armanistonning muhim infratuzilmasini qayta yo‘naltirish bo‘yicha rejalar aslida Yerevanga majburan taqdim qilingani aniqlansa, Rossiya tomoni ajablanmaydi.
Avvalroq Rossiya TIV Armanistonning Yevropa Ittifoqi va AQSH bilan olib borayotgan muzokaralarini tanqid qilgan edi.
Izoh (0)