Lara va Lili Koli — Maryam Uzerlining qizlari
2013-yilda Maryam “Muhtasham yuz yil”ni tark etdi. Ko‘pchilik aktrisani homilador deb o‘yladi, chunki birozdan so‘ng uning qizi Lara tug‘ildi. Keyinchalik Uzerli ruhan charchaganini, shuning uchun loyihani tark etganini ma’lum qildi.
Aktrisa birinchi farzandining otasi turk tadbirkori Jan Atesh bilan oila qura olmadi. 2021-yil boshida aktrisaning amerikalik tadbirkordan Lili Koli ismli qizi dunyoga keldi. Katta qizi Lara onasiga singlisini tarbiyalashda yordam beradi. Aytgancha, ko‘plab muxlislar Lara Maryamga juda o‘xshashligini ta’kidlaydi.
Alize — Vahide Perchinning qizi
Yoshi ulg‘aygan Xurram Sulton rolini o‘ynagan aktrisaning Alize ismli bir qizi bor. Qiz 1994-yilda Vahidening aktyor Altan Gerdyum bilan nikohidan tug‘ilgan. Alize ham ota-onasi singari hayotini kino bilan bog‘lashga qaror qildi, ammo hozirgacha u taniqli rollar ijro qilmagan. Eslatib o‘tamiz, Perchin va Gerdyum 20 yildan ortiq birga yashab, 2013-yilda ajrashishga qaror qilgan.
Elisa Gyuzin — Nur Fettaho‘g‘luning qizi
Nur kinoga birinchi turmush o‘rtog‘i Murat Aysan tufayli kirib kelgan. 2011-yilda juftlik ajrashdi va bir necha yil o‘tgach, aktrisa turkiyalik tadbirkor Levent Vezirgo‘lu bilan turmush qurdi.
Biroz vaqt o‘tgach, juftlik ajralishga qaror qilgandi, lekin oxir-oqibat ular oilani saqlab qolishga muvaffaq bo‘ldi. 2016-yilda Nur va Leventning Elisa Gyuzin ismli qizi dunyoga keldi.
Ali Demir va Jan Eyup — Pelin Karaxanning o‘g‘illari
2014-yil Mehrimoh Sulton rolini ijro etgan Pelin sport klubida tadbirkor Bedri Guntay bilan tanishgan. O‘sha yili juftlik turmush qurdi va o‘g‘li Ali Demir dunyoga keldi. Bir yil o‘tgach, bola mashhur onasi bilan birga tagliklar reklamasida ishtirok etdi.
2017-yilda Karaxan ikkinchi marta ona bo‘lishga tayyorlanayotgani ma’lum bo‘ldi. O‘sha yilning mart oyida u ikkinchi o‘g‘lini dunyoga keltirdi va unga Jan Eyup deb ism qo‘ydi. Aktrisa bolalarni muxlislaridan yashirmaydi va ularning suratlarini tez-tez o‘z sahifasiga joylashtiradi.
Karan va Kerem — Burak O‘zchivitning o‘g‘illari
Burak “Choliqushi” seriali suratga olish maydonchasida aktrisa Fahriye Evjen bilan tanishdi. Ammo ularning orasida ishqiy munosabat boshlanmadi, chunki aktyor Jeylan Chapa bilan uchrashardi. Ammo keyinchalik O‘zchivit va Evjen yana suratga olish maydonchasida uchrashdi — ular “Sevgi senga o‘xshaydi” dramasida bosh rollarni ijro etdi.
Ushbu loyihadan keyin ular juftlikka aylandi. 2017-yilda ularning nikohi bo‘lib o‘tdi — Turkiyada bu “Yil to‘yi” deb ataldi. Ikki yil o‘tgach ularning oilasida Karan ismli o‘g‘il dunyoga keldi va u otasiga juda o‘xshaydi. 2023-yilda juftlik yana bir o‘g‘illi bo‘ldi. Chaqaloqqa Kerem deb ism qo‘yildi.
Izoh (0)