Boks afsonasi Mayk Tayson va videobloger Jeyk Pol o‘rtasidagi jang iyul oyida bo‘lib o‘tadi.
Tayson va Pol ilk bor nigohlar to‘qnashuvida ishtirok etdi.
Ular o‘rtasidagi qarama-qarshilik ko‘rgazmali jang bo‘ladi. Jang 21-iyul kuni Dallasdagi 80 ming tomoshabin sig‘imiga ega “Ey-ti-end-ti” stadionida bo‘lib o‘tadi.
Eslatib o‘tamiz, 2022-yilda bloger Jeyk Pol podkastlarining birida hazil tariqasida Mayk Taysonni jangga chaqirgandi. “Mayk, agar sen ushbu podkastni ko‘rayotgan bo‘lsang, kel, biroz zavqlanamiz. Yangi maktab eski maktab vakiliga qarshi. Menimcha, muxlislar ham buni ko‘rishni xohlaydi”, — deb aytgandi Jeyk.
YouTube bloger Jeyk Pol boks qoidalari bo‘yicha o‘tgan so‘nggi jangida Rayan Burland ustidan g‘alaba qozongan.
Qayd etib o‘tish joiz, Mayk Tayson 2023-yilning noyabr oyida Butunjahon boks kengashining (WBC) 61-konvensiyasi doirasida Toshkentga tashrif buyurgandi.
Izoh (0)