Farg‘ona viloyati Milliy gvardiya boshqarmasi Qo‘shtepa tumanidagi maktabda o‘quvchilariga tarsaki tushirgan xodim yuzasidan ma’lumot berdi.
Ijtimoiy tarmoqlarda Qo‘shtepa tumanida joylashgan maktabda Milliy gvardiya xodimi maktab o‘quvchilariga tarsaki tushirgani tasvirlangan video tarqaldi.
Milliy gvardiya masʼullari tomonidan olib borilgan o‘rganishlar natijasida ushbu holat tumandagi 49-umumta’lim maktabida sodir bo‘lgani aniqlangan.
Voqea yuzasidan xizmat surishtiruvi o‘tkazilib, ijtimoiy tarmoqlarda tarqalgan va videotasvirda aks etgan xodim egallab turgan lavozimidan chetlashtirilgan.
Shavkat Mirziyoyev 5-fevral kuni bo‘lib o‘tgan yig‘ilishda 2023-yilda voyaga yetmaganlar 3,5 ming jinoyat sodir etganini aytgandi. Shu munosabat bilan maktablardagi inspektor-psixologlar shtati Ichki ishlar vazirligidan Milliy gvardiya tizimiga o‘tkazilgan.
Izoh (0)