Brunu Fernandesh va Kazemiro Saudiya Arabistoniga yo‘l olishi mumkin

Saudiya klublari “Manchester Yunayted” yarim himoyachisi Kazemironi sotib olish niyatida.

Klublar Kazemirodan tashqari uning jamoadoshi Bruno Fernandeshga ham qiziqish bildirgan, biroq portugaliyalik futbolchi bilan shartnoma imzolash ehtimoli kamroq, deb xabar beradi The Telegraph.

Manbaga ko‘ra, Kazemiro vakillari Saudiya klublari bilan muzokaralarni boshlab yuborgan. “Yunayted” futbolchini sotishga tayyor va transfer oynasi boshida buni amalga oshirishni xohlaydi. Ammo braziliyalik futbolchi jamoani tark etishni istamasa, klub uni o‘zida saqlab qoladi.

Shuningdek, “qizil iblislar” Fernandeshni maydondagi ijrochi sifatida ham, yetakchi sifatida ham o‘zining eng muhim futbolchisi deb bilishini aytgan. “Yunayted” Brunoni sotish haqida o‘ylashi uchun klub arab klublaridan juda yuqori qiymatli taklif olishi va futbolchining o‘zi ketishni xohlashi kerak.

• Kazemiro 2022-yildan beri Angliya klubida o‘ynab keladi. U shu davr mobaynida 51 uchrashuvda qatnashib, 5 bora raqiblar darvozasini ishg‘ol qilishga erishgan. 
• 2020-yildan beri “qizil iblislar” safida o‘ynayotgan Brunu klub safida 157 uchrashuvni o‘tkazgan va raqiblar darvozasiga 54 bora yo‘l topgan.