“Bavariya”ning sobiq futbolchisi Harri Keynning klubga o‘tishini tanqid qildi

“Bavariya”ning sobiq yarim himoyachisi Ditmar Hamann hujumchi Harri Keynning Myunxen klubiga o‘tishi haqida keskin gapirdi.

Ular nechta sovrin yutdi? “Bavariya” o‘tgan mavsumda Keynsiz hozirgidan ko‘proq gol urdi. Uning narxi 100 million yevro turadi. Men uni umuman ayblamayman, albatta.

Holand “Borussiya”ni tark etganida, Dortmundda hammasi izdan chiqdi, deb aytildi. Keyingi yili ular Bundesliga bosh sovrinini yutishga yaqin keldi. Bellingem ketdi va hamma “bari tugadi, endi nima bo‘ladi?”, dedi. Endi ular Chempionlar Ligasi finalida.

“Bavariya” “Arsenal”ga qarshi yaxshi o‘ynagan uchrashuvda uning borligi deyarli sezilmadi. “Real” bilan o‘yinda ham shunday bo‘ldi. 80-daqiqadan keyin bel og‘rig‘i sabab, zaxiraga olindi. Rostini aytsam, buni tushunmayapman. Omadim kelib ko‘pincha yarim final hamda final bahslarida qatnashganman. Bunday muhim o‘yinda – Chempionlar Ligasi finaliga o‘n daqiqa qolganda bel og‘rig‘i sabab maydonni tark etgan futbolchini ko‘rmaganman.

Ammo klub uning nomi yozilgan futbolkalarni ko‘p sotdi. Bu ajoyib transfer bo‘ldi. Bu xato bo‘lganmi, yo‘qmi, munozarali. Nima bo‘lganda ham, bir savol bor: 100 million “Bavariya” klubi g‘aznasida qolishi, Keynning o‘zi esa Angliyaga qaytishi yaxshiroq emasmi?, — deya Hamanning so‘zlarini keltiradi Sky Sport.