Diyetologlar grechka bo‘tqasi eng foydali mahsulot ekanini ta’kidlaydi va haftada kamida bir marta ushbu mahsulotni tanovul qilishni tavsiya qiladi. Biroq grechkani to‘g‘ri tanlangan mahsulotlar bilan qo‘shib iste’mol qilish muhim, chunki ayrim oziq-ovqatlar uning tarkibidagi foydali xususiyatlarini yo‘qqa chiqaradi.
Grechka nonushta, tushlik va hatto kechki ovqat uchun mos taomdir. U vazn yo‘qotayotganlar uchun ham, semirish istagida bo‘lganlarga ham birdek mos keladi. Shuningdek, grechka organizmda yetishmayotgan mikroelementlarning muvozanatini to‘ldirishga va tanada shish paydo bo‘lishining oldini olishga yordam beradi. Grechkani boshqa donli mahsulotlarga qaraganda tez-tez iste’mol qilish mumkin, chunki u glyutensiz, oqsilga boy don sanaladi.
Grechkani qaysi mahsulotlar bilan birga iste’mol qilmaslik lozim?
Grechka va sut
Sut laktozadan iborat, grechkada esa fitin kislotasi mavjud. Ushbu kimyoviy moddalar bir-biri bilan moslashmaydigan birikma bo‘lib, ovqat hazm qilish jarayonini murakkablashtiradi. Grechkani sutga qaynatib ichganda qorin shishadi, ichaklarda og‘riq va boshqa noxush hislar kelib chiqadi.
Grechka va tuxum
Nonushtada tuxum yeyishga odatlangan bo‘lsak-da, aslida uning tarkibidagi oqsil tufayli tuxumni ayrim mahsulotlar bilan iste’mol qilib bo‘lmaydi. Grechka ham shular jumlasidan. Tuxum bilan grechkani birga yeb bo‘lmaydi, aks holda aminokislotalarning so‘rilishi qiyinlashadi va oshqozon-ichak trakti bilan bog‘liq muammolar paydo bo‘ladi.
Grechka va qora choy
Grechka temirga boy don bo‘lib, kamqonlik bilan og‘rigan insonlar uchun tavsiya etiladi. Achchiq qora choy tarkibidagi taninlar esa temirning foydali xususiyatlarini kamaytiradi va uning so‘rilishiga xalaqit beradi. Grechka bo‘tqasini o‘tli damlamalar bilan yoki bir piyola ko‘k choy bilan iste’mol qilish mumkin.
Izoh (0)