Ispaniyaning shimoli-sharqida joylashgan Kataloniya mintaqasidagi separatist partiyalar 12-may bo‘lib o‘tgan mintaqaviy saylovlarda ko‘pchilik ovozni yo‘qotdi Bu haqda Anadolu nashri xabar berdi.
Manbada aytilishicha, sotsialistik partiya saylovlarda eng katta ovozni qo‘lga kiritgan. Sotsialistik partiya g‘alaba qozonganiga qaramay, boshqaruvni to‘liq qo‘lga olish uchun yetarli kuchga ega emas.
“Bu saylovlar barcha Kataloniya aholisi uchun yangi davrni ochadi — ular qanday fikrda bo‘lishidan, qaysi tilda gaplashishidan va qayerdan bo‘lishidan qatʼi nazar”, — degan sotsialist nomzod va Ispaniyaning sobiq sog‘liqni saqlash vaziri Salvador Illa g‘alaba nutqida.
42 o‘ringa ega bo‘lgan Sotsialistik partiya hali ham mintaqaviy parlamentda hukumatni shakllantirish uchun zarur bo‘lgan o‘rinlarga ega emas. Bunday maqomda bo‘lish uchun 68 ta o‘ringa egalik qilish talab etiladi.
Boshqaruvga olib boradigan eng aniq yo‘l sotsialistlar bilan ERC va Sumar partiyalari ishtirokida koalitsiya tuzishdan iborat bo‘lishi mumkin. Bu partiyalar 2021-yildan beri shunga harakat qilmoqda.
Saylovlardagi keskin burilish Kataloniyaning Ispaniya hukumatiga integrallashuvini kuchaytirishi mumkin. Bu esa separatist partiyalarga qarshi turish uchun asos bo‘lishi aytilgan.
Izoh (0)