Xitoylik investorlar Farg‘ona shahrida besh yulduzli mehmonxona va savdo markazi majmuasi qurishni rejalashtirmoqda. Bu haqda Farg‘ona viloyati hokimligi matbuot xizmati xabar berdi.
Maʼlum qilinishicha, viloyat hokimi Xayrullo Bozorov Xitoyning Baishan Zhongtian Development kompaniyasi rahbari Vey Xenshan boshchiligidagi delegatsiya vakillarini qabul qildi.
Uchrashuvda Xitoyning Baishan Zhongtian Development kompaniyasi tomonidan Farg‘ona shahrida besh yulduzli mehmonxona va savdo markazi majmuasini barpo etish loyihasi muhokama qilindi. 2024-yil mart oyida viloyat hokimligida bo‘lib o‘tgan ilk uchrashuvda ushbu majmuaning umumiy konsepsiyasi yuzasidan fikr almashilgandi.
Mazkur muloqot chog‘ida Xitoy kompaniyasi tomonidan loyiha konsepsiyasi taqdimoti o‘tkazilib, yaqin muddatda loyihani amalga oshirishga kirishilishi maʼlum qilindi.
Izoh (0)