“PSJ” Kilian Mbappe jamoadan ketayotganidan mamnun.
L’Equipe nashrining xabariga ko‘ra, parijliklar endi yosh, intizomli va xudbin bo‘lmagan jamoa qurishda davom etishi mumkinligidan xursand.
Shuningdek, Mbappening klub prezidenti Nosir al-Helayfi bilan orasidagi munosabat sovuqlashgani oydinlashdi.
Futbolchi o‘zining xayrlashuv videosida murabbiylar, sport direktorlarini tilga olgan, lekin “PSJ” prezidentiga minnatdorchilik bildirmagan. Al-Helayfi esa Kilianni noshukur deya hisoblamoqda.
Avvalroq Mbappe “Real”ga o‘tishi xabar qilingan edi.
Kilian 2017-yildan buyon “PSJ” sharafini himoya qilib kelmoqda. 7 mavsum davomida futbolchi 255 ta gol bilan klub tarixida eng yaxshi to‘purarga aylandi.
Jamoa bilan birgalikda 6 marta Fransiya chempionligini, 3 marta Fransiya Kubogini, 3 marta Fransiya Superkubogini, 2 marta Liga Kubogini qo‘lga kiritdi.
Izoh (0)